みんな！あけましておめでとうございます！新一年係日本有D咩要做？問得黎都已經俾人搶哂喇！！！就係福福福福袋！！！

日本既福袋最多人搶既離不開各大家電店，今次我專程去到BICAMERA既本店所在地：池袋（其實我住池袋），去直接睇下今天有咩好福袋賣！

▲半夜１點已經有人開始排緊

▲有幾款福袋是抽選的~

▲攞張傳單黎睇睇的話，會發現有好多好多既商品賣得比正價平好多！！

▲可能會有人諗緊：「咩話？！一部單反都只係賣緊兩萬五千円？！」，但其實呢邊呢D沒有明文寫名係邊款既福袋，一般都係賣唔出既死貨。但以下落黎既會更精彩。

▲某生果牌的平板只賣兩萬円！！雖然可能係舊款，但兩萬，有更係買左先啦！

然後個人黎講最有睇頭既係以下落黎呢個。。。。。

就係：

▲各大牌子既相機SET！！！

這！也！太！貴！了！吧！全部加稅後價錢超越100萬円關口，到底係咩令到成個SET可以賣咁貴呢？

答案係因為除左各個品牌現時既旗艦MODEL之外，SET更包括多支價值不斐既鏡頭。

例如CANON的話，成個SET係：

5D mark IV 連直倒

EF24-70 F2.8L II

EF70-200 F2.8L II

EF16-35 F2.8L III

600EX II閃

64GB CFXPS card (160MB/s)

各個UV Filter

Lowepro相機袋

同埋香港買相機都會送既垃圾三腳架。

如果就咁計一計的話，價錢其實同香港買唔係真係差好遠。

但係日本買相機唔單只貴過香港買好多之餘，

有一樣野大家可能冇計到既係，佢地既福袋係有積分的！而且10円=1分，姐係成個SET多左大約10萬円既積分可以用。咁樣計番其實都真係幾抵買。