日本既服務業待客有禮，服務員經常面帶笑容，說既話全部都係敬語，以表達對顧客既最高誠意。選奧運既時候亦有人講過「おもてなし」去形容日本人既待客之道。或者對於客人黎講，錢就俾左，當然想得到比較好既服務。日本既服務業慢慢就成左一種日本專有既既文化，在日本幾乎所有服務行業既員工都係跟住呢套黎行。但，或者對某部分既客人黎講的確係好事，咁對於員工，或者香港人黎講，真正現實中既日本服務業又係唔係真係咁好呢。

一開始黎到日本或者黎旅行，當然新地方，所有野對於自己黎講都係全新，食既毎一個拉麵，去既毎一個地方都唔一樣，自然日日都會有新鮮感。但係日本耐左既話，會發現日本既變化比想像中少好多；特別係日本既服務業，佢地做緊既野，就係跟住上頭教落既果一套「方法」，例如，唔同場合既鞠躬要幾多度，唔同既情況應該講咩敬語， 客人問某樣野既時候應該答咩野之類。所以成日會有人問，日本人點解做野咁死板？唔係因為佢地唔識，而係因為佢地被教成應該要咁樣做。讀書既時候照書讀，番工？當然都係照「工作手冊」做。咁如果問左一樣佢地唔識做既事，又或求想佢地做一樣平常冇做開既事，姐係所謂既「隨機應變」會點？答案就當然係非常簡單既：「申し訳ございません。」意思係非常之有禮貌既對唔住。原因有兩個，一係佢真係唔識，佢幫唔到你。但大多數既情況係，因為番工佢分糧冇要求佢做果樣野，所以佢有得Hea當然Hea左你先啦。

例如我以前在日本的uniqlo番過工。係每一次返工之前，佢地都會開一個早會，企既時候會好似軍隊咁，要所有員工排成一直線，然後腳要對齊，要求你背出所有返工時基本上會說的話，例如いらっしゃいませ，ありがとうがざいます之類，如果聲量唔夠大的話會要求所以人一齊不斷重複地嗌，直接佢哋收貨為止。另外更會要求員工在無論任何時候都要保持微笑，就是那種在日本經常都會看到的「營業微笑」。佢地堅信，客人見到員工的笑容的話，心情會更好，會買多Ｄ野。或許很多日本人或遊客都會喜歡，但對於我來說，這種「非本意的微笑」，其實可以好陌生，亦都好嘔心。

有次番早班時， 一位資歷比較高的員工，在早會時要求我們要笑住對客人說早晨。然後係當佢示範俾我地睇佢點樣同客人說早晨，理所當然地，她被客人無視了無數次。作為優質員工的她，當然唔會放棄。 所以佢冇放棄任何一次同客人講早晨既機會，在有一段距離的情況下，佢沖過去客人面前笑住同佢講早晨，結果嚇親果位客人。

呢一種日式既營業方式，既冇人情味之餘，作為一位員工亦非常費神費力，對我呢個係香港土生土長既香港人黎講，都真係可以幾唔中意……唔知大家又係點睇呢？