日本遊蹤

【東京散歩】森林公園

日本好天氣持續,放假得閒無事既我去左一個比較偏僻既地方:森林公園。

呢一個公園,係由一個居住日本多年既香港人日本太太告訴我,森林公園雖然有點遠,係一個非常非常大既地方,得閒可以同佢既小朋友一齊去。

後來幾位朋友突然和我說想郊遊,我自然地彈出左森林公園呢幾個字。因為我住池袋,而森林公園係呢個東武東上線既終點站,坐過去亦只係大概一個小時多一點,橫掂都係,就襯今次機會去望望。

▲望一望個Google Map發覺已經去到埼玉再遠一段距離既地方...

 

然而去到既時候見到成個地方乜都冇,明明個車站名叫做森林公園駅,但說好的森林公園呢?

 

 

 

 ▲原來去到仲要搭巴士先去到.....(等左約15分鐘先有車)

▲車站附近唔好話人,連車都唔多架...

 

 

落左車之後,大概仲要行個10分鐘。途中見到呢塊牌朋友立即吐嘈:埼玉1日既泊車價錢同東京既10分鐘同價.....

▲差唔多去到公園門口時,外面有單車租借服務(兩架?)。

 

 

▲幾經辛苦終於都去到森林公園。同門外極度零清既環境比較,入面有番少少人,有D帶狗狗黎一齊散步。

 


▲因為原本我地都係打算黎行下散下步,所以好隨便咁就行左入去。但發覺公園真係大得好離譜,行極都仲有既時候,上網望一望地圖:

▲先知原來公園既大比想像中誇張好多,有大約65個東京巨蛋。

 


▲不過我地都係照樣繼續行,另外森林公園除咗一般有整頓既路之外,仲有好似呢種未整頓既路行。

 ▲行行下會發現有呢種牌,寫住:呢條係中世紀嘅時候,連結城市與城市之間,例如鎌倉,小田原等等既城市既道路。 另外呢條係有好多出名既武士都行過嘅古道。原本行過既時候都已經唔會見到有車或者大廈,所以見到佢咁樣講一講立即多左一種古代既感覺。笑


▲一眼望落去,除左樹都係樹。

 

 

 

 

▲繼續行約半個鐘後會去到一個非常大的廣場,一路上都只係見到過幾個途人,完全冇諗過會有個地方有咁多人,而且有好多小朋友。

小朋友既目標好多都係呢個:大型跳彈床。另外仲有好多唔同既活動,例如有人練馬拉松,踩單車等。

 

▲日本會有人帶貓貓出黎散步。

 

 

▲回程時見到日本既狗廁所,中間支野用黎...小便?

 

▲方圓十里都冇高樓大廈

 

在東京居住既其中一個好處係,有時候就算忍受唔住毎日番工既壓力,擠逼既車廂,可以去下呢種完全脫離塵俗既地方。

 

🌸🌸【今日精選推介 (最新)】🌸🌸
酒店優惠:
(1) 酒店價錢格到盡 ➡ https://tr.im/trivagohotelsearch
(2) STAY JAPAN所有民宿 95折 (優惠碼: 1DFRMlhPWw )➡ https://tr.im/stayjapan-95
(3) Hotels.com 10月 (93折優惠碼: CHAOCTB17)入住日期: 10月19日至 18年3月31日 ➡ https://tr.im/hotel93octb 
(4) 下載 Agoda App,即可立即於App內錢包領取9折優惠碼 : https://tr.im/agoda10offsep

WIFI EGG上網:
(1) 去旅行無上網點定位呀? 憑此碼租用Wifi蛋即享9折 "CHINESEAN"➡ https://tr.im/WIFIEGG-ESO

旅遊保險:
(1) AXA旅遊保險 -  網上投保優惠: 單次旅遊保 88 折、全年旅遊保 9 折,3 日旅遊保險 $ 104 起 ➡ https://tr.im/AXA-TravelInsu

旅遊優惠:
(1) Klook有多個日本相關的旅遊套票 (E.g. JR Pass/ 南海電鐵車票): -> 
新用戶折扣優惠: 香港區減港幣 $10;台灣區減新臺幣 $40;新加坡區減新加坡幣 $2 (優惠碼 香港:KLKCANHD /台灣:KLKCANTD/新加坡: KLKCANSD) 優惠鏈接 : https://tr.im/klook-newcustomer


作者
早稻田大學學生,日日返學放學,如常生活。在日本集合,決定給大家看一點,於2016年東京生活的碎片。