深度文化談

究竟U記係唔係「黑企業」?

 

 

上個月,文春炮連續兩期向U記(無錯,係賣衫個間U記)開火,內容主要係U記剝削員工,要求員工長期加班並且俾唔夠加班費等等不人道的工作環境。

作者潛入U記打工,以自身驗披露U記的工作環境。結果文章一出,作者就立即俾U記炒左。咁啱我又係同作者一間分店做過一年,所以想講幾句。

 

文春砲大鬥U記

其實文春炮唔係第一次向U記開炮。2010年5月,文春曾經報導U記中國工場的深夜超時加班問題。同文作者「横田増生」之後寫書,披露更多U記的內部問題。著書出版後,U記反擊,告橫田誹謗罪,要求文春賠償2億2千萬日元同停止出版及回收著書。訴訟持續兩年幾,U記最後全面敗訴。事後社長接受訪問,表示「講佢壞話的人好多都唔識佢,甚至未見過佢。希望作者可以係我地公司做野,體驗一下我地的公司的工作。」於是橫田恭敬不如從命,從法律途徑改名換姓,係社長唔知情的情況下,潛入U記兼職工作一年,前後做過3間分店,最後一間係新宿的大型店(係呀!大家黎新宿必到,有電器店同U記的白色大樓!)。佢將自己的今次係的體驗寫成今次專輯,再一次向U記開火。

 

小弟3年前係同一間分店做過一年兼職。呢間分店係日本的U記係數一數二的大型店,業績經常列於日本分店內的top 3。

有去過的讀者都知道個度經常都係人,而且有好多係遊客(同中國客)!有親眼見過的人都應該可以想像到有幾忙,有幾多野做!可能因為U記的「黑企業」形象已經深入民心(事實上,我同日本人講我係U記做的時候,大家都問我U記係唔係好黑),加上咁忙,根本無咩人肯做,導致請人的速度追唔上客人增加的數量同員工流失率,令到長期人手不足。唔夠人手加上客層又多外國遊客,店長會請好多無日本工作經驗,但又想賺錢的留學生(即係當時的我),所以我先可以入到U記做野。

睇完呢篇專輯,發現其實文春跑都唔係亂放的(識日文的建議上網search下)。專輯的內容基本上都係事實,同我認識的新宿分店都一致。以下都係依我個人的兼職經驗討論。

係個度做野,體力上真係好辛苦。尤其是係感謝祭期間。我都試過好似專輯的作者一樣,要一整天企係收銀機前,機械地不停重複收銀動作,而中間只有2次各30分鐘的休息!但無論你點努力做,對手有幾快都好,收銀前條人龍都未少人過!感謝祭以外都好,工作都唔係幾好做。我試過係大 熱天時,一個人企係店前的新宿街頭上叫賣!辛苦的程度係冇人可以捱到一句鐘!收鋪後要一個半鐘之內執好間鋪,準備聽日的營業。每次放工後,個人係攰到咩都唔想做,求其去便利店買d野食,食完就上床訓覺!

 

心理上都唔好受,工作太忙,無咩時間俾你慢慢學。好多野都係邊做邊學,自然錯誤都比較多,錯得多就俾人罵得多,俾人罵得多就自然唔好受。留學生的我更加有文化差異同語言能力的問題,但拎得同一份人工,當然冇人會因為你係留學生而降低要求。你要做到同日本人一樣的水準,講到同日本人一樣的日文去招呼客人。係學習過程中,要承受「有好多簡單野都做唔到」的無力感的同時維持自信,唔係一件易事。

 

但好在係個度做野的人都好好!無論係日本人定留學生都好友善!員工都互相尊重,唔會有過多的上下關係,亦唔會無理取鬧,都冇太多「潛規則」。有時大家放左工都會食下飯,飲杯野,而且唔會有外國人同日本人之間的隔膜。雖然有時留學生會講下日本人的壞話,呻下出下氣,但大家都相當open,互相支持!我辭職後都有同幾位當時的同事聯絡。事實上,U記係我做過幾間日本公司之中最open,最國際化的一間。

 

對於我黎講,我覺得又唔算係「不人道」。首先,U記都好遵守法律,我未試過一個星期做多過你28個鐘(日本法律規定留學生唔可以一個星期打工多過28個鐘)。而且,U記都會俾足加班錢,亦冇人迫過我免費加班。就算佢地要求我加班,我係可以拒絕。當我為佢地加班,收鋪後加班留低會有(加班時數X1.25平時薪,這也是法律規定的加班費)的加班bonus。甚至有人會為左bonus而只返深夜班。對香港人黎講,其實薪金制度已經唔錯,就算對比起大部分日本公司都好。可能對某d香港行內人黎講,新宿分店的情況已經司空見慣,反而會覺得日本人大驚小怪。

 

以上係我作為一個前兼職員工的睇法。總括黎講,我唔覺得U記係「黑企業」。只可以講係太忙。但我聽過全職員工係另一個唔同的故事。我冇親身體驗過,亦冇從當事人聽過詳細情況,所以唔係度討論。

 

最後想講,新宿分店其實係好特殊的例子,全日本95%以上的分店都好過新宿分店好多(所以呢篇專輯的作者都有意圖集中寫新宿分店)。睇番今次的專輯,個度的情況似乎更嚴重。而家攪到未受過訓練的派遣員工都要被迫於無奈到floor招呼客人,可以想像到有幾多野做!真係有d擔心仲係個度做野的朋友會有一日頂唔住。希望U記盡快做d野解決問題。

 

 出典:mynewsjapanユニクロ帝国の光と影/横田増生

 

🌸🌸【今日精選推介 (最新)】🌸🌸
酒店優惠:
(1) 酒店價錢格到盡 ➡https://tr.im/YSu7B
(2) Hotels.com 93 Coupon 訂酒店 ➡ CHAN7OFF : https://tr.im/Hotels-7Percent 

WIFI EGG上網:
(1) 去旅行無上網點定位呀? 憑此碼租用Wifi蛋即享9折 "CHINESEAN"➡ https://tr.im/WIFIEGG-ESO

旅遊保險:
(1) AXA旅遊保險 -  網上投保優惠: 單次旅遊保 88 折、全年旅遊保 9 折,3 日旅遊保險 $ 104 起 ➡ https://tr.im/AXA-TravelInsu
(2)免費富衛FWD『航空保險』: https://tr.im/FWDFree
(3) 使用8折碼(TRA123)購買FWD旅遊保險,4日3夜行程只需HK $108起:https://tr.im/FWD20off

旅遊優惠:
(1) Klook有多個日本相關的旅遊套票 (E.g. JR Pass/ 南海電鐵車票): -> 
新用戶折扣優惠: 香港區減港幣 $10;台灣區減新臺幣 $40;新加坡區減新加坡幣 $2 (優惠碼 香港:KLKCANHD /台灣:KLKCANTD/新加坡: KLKCANSD) 優惠鏈接 : https://tr.im/klook-newcustomer


作者
二十二歲,大學生。於日本留學多年,日語早就達到一級水平。有一個日本女朋友,穩定交往中。後來才發現,可以係日本媾女,才是真正「通曉日語」。