距離每年日本「新生活」（包括新學年、入職日等等）尚餘不足1個月，又到了各大機構發表一籮籮相關調查的時候。
（話說，周小姐今年好像還未跳出來開口炮？）

人材仲介公司Career Deisgn Center昨天發佈了一份以「出没注意！？モンスター新人について」（出沒注意！？關於怪獸新人）為題的調查報告。
顧名思義，就是一份提醒在職員工要份外留意「怪獸新員工」的東西。（或許周小姐可從中找找靈感。）

▲先來第一題，大部分人回答「有世代差異」幾乎是可以預想的結果。
　重點是這班員工的實際體驗才是最有趣的部分。
　「明明係返工時間，但後輩竟然跟咁啱嚟到公司附近嘅父親大人一齊走去飲下午茶，甚至將合照up上facebook。」（50代／女性）
　「新入職員工請有薪假嘅理由是竟然係『遊戲發售日』」（20代／女性）
　「拜訪完個客之後，（後輩）一出門口就講咗句『咁＿麻煩㗎』，當堂嚇一嚇。」（40代／女性）
　「缺席上司送別會反而走去參加私人聚會，第二日仲要請病假唔返工。」（20代／男性）
　「第一次見面就用タメ語（對平輩或後輩使用的語調，敬語的相反）同我講嘢，又不斷同我開心share佢嘅私人生活，仲要好期待我回應佢。」（30代／女性）
　「無論做咩工作都要問理由。本身我仲以為應該趁新人階段吸收各種經驗，但近年嘅新人都會好在意『點解一定要咁做』『我要做呢啲嘢㗎咩』之類問題。」（20代／女性）
　「即使冇嘢做都唔會主動問有咩可以幫到手。試過有人出外跑完數之後冇地方去，就匿喺便利店停車場玩手機。」（40代／女性）
　「某位員工申請OT錢比原本應有時間多出咗30分鐘，一問理由先知『收工之後同同期入職嘅員工用LINE討論公司嘅飲酒聚會，我覺得呢個都算係工作一部分喎』，我已經唔知道應該由邊度開始批鬥佢……」（20代／女性）
　「應該要著西裝返工但著瀨屎褲出現。」（50代／女性）
　「明明同屋企人一齊住但就話隻狗病咗要請假。」（20代／女性）
　「20歲出頭嘅後生仔經常『我已經係老太婆喇～』掛在嘴邊，經常搞到坐喺隔離嘅40歲獨身女上司嬲到紮紮跳。」（20代／女性）
　「有啲嘢要問某位正準備收工嘅後生仔員工，叫停佢之後竟然問我『呢單嘢可以2分鐘講完嘛？』，再加埋佢個衰樣真係激到我爆炸，你唔講呢句多餘說話嘅話成件事明明就好快講完。」（40代／女性）

不過，前輩們都不全是批評的。
儘管一眾前輩覺得新人問題天天都多，但這班人當中仍有一半是覺得有下屬是件好事。

　「擅於同前輩打好關係。『你咁講嘢一定激嬲人啦！』，毫無顧忌下講嘅說話結果反而有時候仲令成件事運作得更順暢。」（30代／女性）
　「後輩為我被調遷一事大喊咗一場。因為一直以嚟都係鬧佢鬧唔停，所以冇諗過佢竟然咁仰慕我。」（30代／男性）
　「睇見由入公司當時就一直做嘢嘅後輩獲頒公司獎項，搞到我都眼濕濕。」（20代／女性）

試問有誰未當過新人？
下次批評後輩前，不妨先回想一下自己以前當新人的情景吧～

內容出處：先輩社員が出会ったモンスター新人エピソード　「仕事中、親とお茶。その様子をSNSに投稿」「何でも”キモイ”っていう」

內容出處：「出没注意！？モンスター新人について」アンケート結果