自殺？！明明是一件好恐怖的事，為何要說得像童話故事一般？

嗯……我想因為以下這個故事，多少也帶點童話成份……

少女對世界感到絕望而選擇自殺，就在這時惡魔出現。

惡魔：「你都就死啦，不如送D壽命俾我，你宜家先16歲，假設你有80歲命，你都仲有64年命喎。」

少女：「下……是但啦，但我有咩著數先？」

惡魔：「都係既，無理由要你就咁俾我既。」

為何少女在死前也講「著數」！？為何這個惡魔這麼好人！？

惡魔：「咁啦你俾三年命我，咁我就俾返同等價值既野你。例如，3年內去做兼職，時薪850円，全年無休就２４０萬円，三年就總共７２０萬円；或者，３年內努力讀書所得既知識；又或者，３年內練到返黎既一身肌肉。」

少女：「咁呀……我想要３年內既金錢。」

惡魔：「竟然係金錢，估你唔到喎。」

少女：「嘩……好多錢呀。咦......點解個身體咁疲累既……」

惡魔：「因為呢D錢係你三年內無休息咁做返黎，所以先會咁疲累。」

我想問……都想自殺了，還要錢來幹麼？

然後，劇情１８０度轉變。

少女：「原來我只要３年間咁努力都可以搵到咁多錢……」

少女突然對世界充滿希望！

少女：「呢個世界只要你肯做，無野係做唔到架。」

惡魔：「唔係呀唔係呀，有D野你係做唔到，你根本搵唔到方向去做架！」

少女：「只要保持樂觀既心境……」

惡魔：「唔係呀，錯晒呀！你係想死，想死架！」

少女：「所以，生存點都比死去好。」

惡魔：「發生咩事？！點解呢個人突然諗野咁正面？？？？」

惡魔已經幫我吐糟了……

惡魔：「呢個世界唔係有好多你討厭既事咩？呢個不斷遇到壞事既人生，真係好咩？」

少女：「無錯……呢個世界真係有好多好討厭既事……但係只要我不斷遇到D好事，咁咪可以將遇到壞事既機率降低囉！」

惡魔：「呢條友已經無得救……」

少女：「我要努力加油！多謝你呀惡魔先生，你都係我人生中所遇到既好事。」

惡魔：「好煩呀你！！！！！你條友因為錢而變到咁樂觀囉！！！」

哈哈哈，原來，這個故事原來最後告訴你，金錢的魔力足以令到一個將近死去的人重拾希望。科科。

出典：クレイジー