高手集合

#留學生手記: 你如何知道日本人內心真正想什麼

 

 

 

在關西,有很多事情,都不習慣。

比方說,一班人一齊行動,你會浪費好多時間係「等大家出聲/反對」呢件事上。

 

例如只係揀去邊食飯,明明大家都冇所謂,但日本人係完全唔會企出嚟幫大家決定。

例如:

A:「何を食べよう?」(大家食乜好丫)

B:「何がいいかな...」(望大家問:食乜好呢...)

C:「そうね... 何がいいでしょう?」(繼續望大家:係囉...唔知揀咩好呢)

如此類推,直至所有人都發表完一次呢種完全冇value嘅發言。

然後大家會靜一陣,到大家都好似冇意見個陣,先會有人敢提議自己想食咩:

A:「しゃぶしゃぶとか?」(咁食Shabu shabu好冇呀?)

 

如果呢個時候有其他人同意,咁通常就會完。但如果有人唔同意,係會無限延長成個討論,因為佢地係一定一定唔會直接講唔好。

B:「それがいいね!外は寒いし、温かいもの食べたいよね...本当に食べたいけど、この辺りは観光エリアだから、しゃぶしゃぶだったらちょっと高いかもね... どうしようかな。」(Well好呀!出邊咁凍,大家都想食啲暖嘢啦。Good idea!我真係好想食㗎!......不過呢邊呢好似係遊客區,如果係火鍋的話,或者可能有機會有啲啲貴,hmmmm點算好呢....)

其實上面成段野,意思就係:太貴,我唔ok。但去到最後佢都係唔會講唔好,而係問翻大家「點算好呢...」。

而且佢地disagree前,無論如何都一定會agree你先。

好似鬼影變幻球咁,你要用翻7749秒諗一諗,先知原來佢係disagree緊。

另一個情況,你亦都唔好以為佢真係好想食火鍋而只係錢嘅問題。佢講到話好好呀個idea,出面好凍,好想食暖嘢。咁你好天真啦,肯定好熱情咁話「咁我地去第二度搵啲平嘅火鍋店,或者我請你啦!」咁。

又錯曬,其實有可能係佢根本唔想食火鍋,只係搵啲嘢泥正面地agree你同委婉地disagree你。

當B講完呢段野之後,A就會話: 「まあ...確かに。じゃ何がいいかな...」(嗯嗯...的確...咁大家食乜好呢...) 又番翻去一開始,大家等人出聲個個loop。呢種decision making嘅社交禮儀,佔成個decision making個process大概8成。

所以係日本與人接觸,對談,一齊決定事情,係一件好花精力同時間嘅事,要去理解每個人背後真正諗緊agree定disagree,點樣照顧每一個人。或者,呢個就係點解日本咁多anti-social個原因。

不過對於外國人,尤其大多數香港人個種「一就一二就二,話知你死」嘅高效率處理系統,可能係一個不錯的調劑。

 

~~~~~~~~~~~~

健吾按:如欲知道這留學生有什麼有趣之事,可留意此小孩的YouTube Channel。在我的學生之中,我還是疼他,是因為他是一個令我覺得在這個沒希望的地方,努力地生存的人。

 

 

 

 

 

 

 

 

 

🌸🌸【今日精選推介 (最新)】🌸🌸
酒店優惠:
(1) Hotels.com 91折優惠 (推廣碼: CHAN18SEA) 優惠日期: 8月1日 至 8月31日 ➡  https://bit.ly/2vbFnap