高手集合

#留學生手記:関西のおすすめ!在關西有什麼好處?

 

覺得好彩係揀左大阪讀書。

覺得好彩係揀左大阪讀書。 

 

 

覺得好彩係揀咗大阪讀書。

 

(很重要,所以要說三次。)

 

由細到大成日聽人比較東京人同大阪人,話關西人熱情好多親切好多,我覺得其實東京人都幾好吖。嚟到之後發現大阪人真係好吹得,成日都有種一見如故嘅感覺,好似每個人都default當你係朋友先開始同你傾計咁。所以如果講生活而不是旅遊,我諗對外國人嚟講大阪會係一個好comfortable嘅選擇。

而當然,一去到行政方面,日本人個種堅守規條章則嘅態度係完全冇分地域性的。難聽啲講,係完全唔曉轉彎。當處理政府文件呀,學校文件,電訊公司contract呢啲嘢個陣,如果你有啲特殊情況同一般人唔同,例如一開始嚟個陣未有電話號碼,但份表要填;或者地址證明佢話要交在留卡,但你有其他信可以做地址證明,咁香港人慣左「彈性處理」(a.k.a.走後門 in some cases),通常都會諗:「去到佢地會有對應方法啦,應該好多人都有呢啲情況」。咁係日本你會撞好多板,因為佢地係完全唔識處理的。

就算買完嘢想送貨,但你冇電話(which其實根本佢係完全唔會打,有問題佢地都係email你,而宅急便係只會㩒你鐘,唔會打電話約時間。),佢地都會話份form一定要填電話,因為有電話呢欄。咁好彩因為我住share house可以借朋友電話,如果唔係一開始都幾麻煩。就算做超市or ikea會員卡,就算你明明可以之後先改電話或者加電話,只要你申請個陣冇電話,填唔到,佢地就會lag曬機話唔識處理,問你可唔可以有電話之後先再嚟申請(不過今次啲分又冇辦法加翻喎)。但大佬,我都係一開始泥到先買咁多嘢咁大張單咁多積分姐,你叫我唔好要啲分,咁我下次申請都冇咩意思啦(師奶mode)。

but any肥,呢到啲人都係好的,就算知道你係外國人都唔會搵你笨。而且學到原來香港個套幾flexible幾efficient的辦事方法,唔係全世界都行得通。係香港一日可以處理5、6件事;係呢到,一日只可以target完成一件事。不過,真正的「flexible」可能係要去到無論幾唔flexible的地方都可以適應到吧。

 

 

~~~~~~~~~~~~

健吾按:順手附送,關西vlog 一集。

坦白說,我給一些專業的網片公司朋友看過,剪接還是可以做好很多。但一個大學生,一不為錢,二不為老細,只是為自己快樂去做,還是順手推一個吧。

反正萬聖節的東西,USJ已賣光光了吧。再做,也不是什麼宣傳了。

 

 

 

 

🌸🌸【今日精選推介 (最新)】🌸🌸
酒店優惠:
(1) Hotels.com 91折優惠 (推廣碼: CHAN18SEA) 優惠日期: 8月1日 至 8月31日 ➡  https://bit.ly/2vbFnap