深度文化談

塞學生食飯真係好?日本小學要學生愉快飲食

筆者中小學都喺香港讀,到中二可以出校外食飯前,每日放lunch食學校飯盒都係地獄。每日唔食完個豬潲一樣咁難食嘅飯盒唔准走,俾老師留住要食夠四分三為止。同樣事情「完食指導」,喺日本都有發生。

 

NHK訪問咗一個日本女大學生,佢一向食量細,但係由中小學嗰陣每日俾老師要求食完先走得,令佢怕咗返課室。中三嗰年終於同班主任講自己真係食唔落,不過都係被留喺課室並要求食晒。佢只好喊住塞飯入口。呢件事令佢對食飯產生陰影,同人出街食飯都會怕食唔晒俾人話,要睇心理醫生。

 

日本政府十年前就有指引要因應每個學生體格同運動量判斷學生食量,但類似事件仍時有喺日本各地發生,有學生因此唔返學,甚至厭食、一到lunch time就發燒作病,要接受長期治療。又有學校老師因為強制餵食而被處分,學校亦要道歉。醫生表示老師想令學生唔揀飲摘食嘅諗法係好,但格硬要求食晒嘅做法粗魯。

 

曾經推行過學校「零廚餘」政策,分配俾食量大嘅學生大量食物,做到零廚餘嘅徳島縣三好市辻小學校長內田先生就反思當初,認為「學生享受飲食」先至係正確飲食教育理念。

 

佢而家喺辻小學推行政策,例如要教職員同學生一齊用膳,觀察每個學生食量,因應調節。另外,又會喺膳食時間頭十分鐘限制學說話,並播輕鬆音樂,想學生專心食飯。十分鐘後音樂停止,學生開始邊講邊食,達到愉快飲食,增加學生食慾。措施實行兩年,成效顯著,幾乎每個學生都可以食完膳食。

 

至於嗰位女大學生,被問到想同塞佢食飯嘅老師講乜,佢就話:「想同老師講『我唔係任性先話唔食。我真係食唔落。我真係好飽。』希望佢理解每個人。」

 

筆者雖然未至於有心理陰影,仲試過因健身有段時間一日食六餐,但我都想同我嘅老師講:「雖然我嗰陣唔鐘意食飯,但我而加都係好健康,健吾仲話我運動員身型,有八塊腹肌。何苦呢?」

 

來源:https://www3.nhk.or.jp/news/html/20190513/k10011911391000.html?fbclid=IwAR2moPHu2dvcKrYrv4GtFFgb0KVM3XXgWXwiQdQ3a7QZ5QxucIfg-VWk3gE

🌸🌸【今日精選推介 (最新)】🌸🌸

想認識認真交往的對象嗎?

立即下載SweetRing: 按此下載

酒店優惠:

Hotels.com 91折優惠 (推廣碼: CHAN18SEA) 優惠日期: 8月1日 至 8月31日 ➡  https://bit.ly/2vbFnap