每當有外國人講廣東話，我哋都會好奇佢哋點解會學，又高興自己文化被世界重視，當然外國人講廣東話嘅笑料都好有趣。最近好多日本人發現外國宅男用日文造新字，覺得新奇又刺激。

大約一、兩年前開始歐美國家嘅宅男宅女睇得太多日本動漫，學識咗啲常見日文句子，開始將日文字同英文字混合造字「Japanglish」。例如廣為人知嘅英文粗口「What the fxxk?」，用意思相同於「what」嘅日文字「何（音：nani）」取代，變成「Nani the fxxk?」。又例如動漫經常出現嘅「死にたい（音：shinitai 意：想死）」，取「tai」同「die」發音相近，變成「shinidie」。

有注意外國討論區嘅人或者覺得old news，但所謂old news is so exciting，好多日本人好似發現新大陸咁，笑到碌地。條tweet短短三日有20萬人like。

▲外國啲宅男用「Nani?」代替「What?」講「Nani the fxxk」，又有「shinidie（意：想死）」「yamekudastop（取「請停手」日文やめてくださいyametekudasai同英文stop），係咁造啲日英混合語笑死人。

▲除咗上面講嗰幾個，呢個表入面嘅你又睇得明幾多個「Japanglish」？

▲歐美「Nani the fuck」搞笑貼圖

雖然呢啲字好騎呢，但都未尚唔係歐美國家認識日本嘅一個好方法。