深度文化談

日本朋友:「香港地鐵冇東京電車咁嘈雜。」

香港地鐵俾人好差嘅印象,有中年阿叔開大speaker睇劇、有某特定族群大聲喧嘩、有阿伯大聲講電話,加上電車行走本身嘅聲音,真係幾嘈。相反日本車廂俾人寧靜嘅印象,基本上冇人打電話,個個都安靜搭車。確實,你唔會覺得平時嘅東京電車嘈。

 

今日同新認識嘅日本人傾偈,佢不時要去香港出差。講到香港,佢話:「香港地鐵冇東京電車咁嘈雜。」

我嗰刻心諗佢係咪生活喺平衡時空。

佢繼續講:「香港冇醉酒佬。」,終於明佢講緊乜。

 

日頭嘅東京電車係安靜,不過入夜就有好多醉酒佬出沒。有時夜晚一班醉酒西裝友或者大學生大大聲講嘢,確實音量同香港地鐵嘅大媽、電話阿叔有得揮。另外,喺行駛緊嘅滿員電車上面,有啲醉酒佬會左右搖擺企唔穩,有啲直接挨落人哋度,甚至更衰成個人跌落坐緊嘅乘客身上。仲有醉酒佬喺車上同人爭執、嘔吐、痴漢等嘅問題。

 

嚟旅行搭幾日東京電車,就算有醉酒佬都未必會覺得點樣,但每日遇到嘅話,其實都幾討厭。

🌸🌸【與女友「潤滑」感情的好物推薦】🌸🌸
更多資訊