最近寫多左幾篇關於搵工的文（多謝大家支持！），係時候講返下溝女啦！
要約女出街可能好易，但要維持落去，要有下次就比較難。
上次講左第一次約會，今次講第一次約會完左之後要點做。
- 點都要拎LINE
香港抄牌的話可能係Facebook，但係日本的話一定係LINE！唔知點解日本人天生係唔識玩Facebook的，就算有Facebook ac，佢地係Facebook online的機會少之有少！你用Facebook messenger搵佢地，你的message好有可能被ignore。（我就試過...）到時你只有佢Facebook，但佢又無意中ignore你，咁就唔抵啦，而且仲要因為咁攪到自己諗三諗四，情緒低落就真係好無謂，所以最重要係要避免犯呢d低級錯誤。除左LINE，Twitter都ok，但根據我統計，唔玩twitter的人其實都唔少（好多好似我咁有ac但唔online的人），所以LINE就最安全。因為唔玩social media的人最低限度都會用LINE同朋友聯絡，而且我見用其他app的日本人係0。
- 當晚即刻send message
你可能會嫌麻煩，覺得訓醒聽日先send message都冇咩所謂。但正所謂打鐵趁熱，Say左goodbye（假設你冇同佢去love hotel lol），上左火車就send message俾佢。對方一個人坐車都會悶悶地，一定會回你。一句「気をつけて」，返到屋企之後一句「おやすみ」，俾佢知道你係對佢係有d意思，唔係幾肯定係唔係鐘意佢都好，至少咁做都俾佢知道第一次date係正面的。如果咁都唔回你的話，你都知道對方冇咩意思，咁就可以快d搵下一個，唔使浪費時間同心力。如果你等到聽朝先send，到時對方咩癮都冇曬。如果你個晚唔係幾開心，發現唔係幾鐘意佢的話就當然唔洗咁做啦！費事對方誤會。
- 搵下一個date的「藉口」
完左第一次date之後，你的任務就係製造第二次date的「藉口」。第一次date就話可以隨便d，食個飯見個面，但第2次通常冇個「藉口」，冇一個「目的」都好難約到。除非你知道對方真係好鐘意你啦，否則第2次你都係話食飯，你唔悶我都悶啦。係香港就話唔係食飯就睇戲，最多去下OP。但日本有大把大大小小的event，又有咁多古靈精怪的文化當然就要好好利用！最行的就梗係打聽佢的興趣係咩然後就依佢興趣搵野做。但最好都係利用「外國人」的身份，搵d你係香港未試過做的事，event等，叫佢陪你一齊去。一來佢係「日本人」，日本人不嬲對自己的文化都好有歸屬感，你大條道理話你未試過，唔識叫佢介紹你，教你。就算佢話佢都唔識，未試過，你都可以話作為日本人咁大個人都未試過，就更加趁機會試下，佢就好難say no。二來你只需要搵自己想係日本做的事就得，唔洗理佢興趣，又唔洗專登就佢，少好多煩惱。（當然如果佢討厭的話就例外，但我就未試過。）而且show到你係鐘意「日本」呢個地方，鐘意日本文化，無意中俾佢你會留係日本的「安心」的感覺。
「外國人」呢個身份會俾好多人有個錯覺係日本係壞印象，但呢個身份其實係日本社交好好用！當然唔係叫你做錯野，或者犯左manner的taboo就用一句「我係外國人所以我唔識，不知者不罪」去開脫，用「外國人」的成份俾麻煩人。好似上面個方法同上一篇的gentlemen manner咁，知道自己同日本人的不同，好好善用佢，係溝女同人際關係上俾你唔少好處！
P.S.下個星期去徳島見女朋友，休息一個星期ＸＤ……
