(頭盔:以下內容不代表適用於所有J家或其他事務所藝人)
經血來潮想去睇演唱會嘅話,可能最難唔係買飛而係買到(平)飛機票。
網絡發達,
今時今日去日本睇live就算係last minute都仍然可以買到飛。
以下開心share幾種自己最後關頭買飛時用過嘅方法:
- Twitter/留言板(揭示版)
最後最後最後關頭求飛的話,可以考慮用Twitter。
日本人最鍾意用Twitter,所以上Twitter求飛係最快捷嘅方法之一(首先,你要有一個Twitter account)。
喺搜尋一欄上輸入你要睇嘅歌手/日期/地點/Live Title等等關鍵字,通常都會有人因為突然唔得閒睇而要放飛。
只要你夠禮貌問飛主係咪放飛的話,好多時候都會得到回覆嘅。
例如見到有人放飛就可以留言/Direct Message問:
「我係非FF(Follow/Follower)嚟嘅,打攪哂。請問邊個邊個嘅飛仲有嘛?(FF外から失礼します。○○のチケットってまだありますか?)」
不過亦因為Twitter多人睇嘅關係,先到先得是常識吧。
另一種上個年代好盛行嘅求飛渠道,就係「チケット掲示板」。
但過程會較為「煩複」(要開browser同公開e-mail/LINE account)同埋較少人用。
但都可以先留言當做其中一樣保險。
- TicketCamp/流通センター/TicketStreet
現時門票(或黃牛飛)最大流通量的,應該係TicketCamp吧?
自稱(黃牛)業界No.1的Ticketcamp的而且確,無論係用家人數抑或門票數量都勝過其他同類型網站,
而佢適合最後關頭買飛人士嘅原因就係,
系統容許賣家到開場前最後一刻(甚至開場後)都仲可以放售。
有啲亦會寫明「現地受け渡し(現場面交)」,再加埋佢個交易系統就唔驚賣家放飛機鳥。
(非打手)
至於流通センター,風頭已經被Ticket Camp蓋過。
TicketStreet冇用過,應該跟TicketCamp是一個玩法。(好似係) - 金券ショップ
圖片出處:http://yaplog.jp/ar125/archive/1994
東京都內有大黒屋、ヨコハマチケット、娯楽道等門票轉讓公司嘅門市,
有心求飛嘅可以先上佢地嘅官網睇吓有冇庫存,不過始終公司都要賺錢,所以一般都會賣得比較貴。
好處係可以即場檢驗門票唔怕被放飛機。
東京同大阪以外嘅都/縣...就好似比較少選擇。
- 當日券/機材解放席(唔到當日都唔知坐邊嘅盲飛)
圖片出處:http://p.twipple.jp/87dgM
所謂「当日券」,就係公演當日先販售嘅門票。
大部分情況都只有極少量(幾張,又或者完全無)出售,所以可以講係最冇保障嘅買飛方法。
除外真.走投無路,否則不值得碰運氣。
仲有一種叫「機材解放席」嘅臨時飛,如果主辦單飛設置完表演場地後發覺仲空間仲可以容納更多觀眾(或者把握機會賺錢),
就會公演前幾日透過賣飛網站公佈,買到飛之後拎住發券號碼開演之前去場館/便利店換飛就OK。
- 場外黃牛叔叔/舉牌求飛
圖片出處:https://mobile.twitter.com/mc_123go/status/339502357136146432
有以上咁多種方法,我到今時今日都唔明點解仲有人會向黃牛叔叔買飛/舉牌求飛。
可能係我睇開嘅歌手已經唔紅唔需要搶飛嘅緣故?
其實場外求到飛嘅成功率有幾高?
完。
封面出處:https://twitter.com/nishihiro28