「你真名真係姓伯川名星矢？」我問。
「我香港名姓陳，日本名姓伯川，名就兩邊一樣叫星矢。」，然後，這位星矢先生，把他一個美好的星期六，給了香港人，在日本的香港人。
「陳是父姓，伯川是母姓。」星矢先生說：「我的身份證，在日本的身份證明書，都是這些名字。」
這個世代，付上這個名字，也許是宿命，也是天命。星矢會為他覺得應該捍衛的女神做兵。即使他只是青銅聖鬥士。
運動開始之時，我在面書說，海外華人，不要在面書叫「香港人」去遊行，就當自己做了事。為什麼我會這麼說？很簡單：你看到遊行的模式轉換了。以前像容樂其那種人，在社民連，推推鐵馬，叫叫口號，頂多擲一下粟米斑塊飯、臭魚三文治叫勇武。現在呢？十八區大家鬥食tear gas。你說你勇武嗎？你有食過催淚彈嗎？2014年，我路過金鐘，我知道催淚彈（未過期）的時候是什麼味道。現在，你沒有食過 TG放題，你不要說你是抗爭者（說不上勇武了）。
所以，我一直都叫所有海外華人，想想國際性連結有什麼方法。當然，我們看到很多我想像不到的 Hong Kong Talents 都傾巢而出了。而身為海外華人的港日混血兒，星矢決定搞了8月17日的東京集會。
星矢是絕對可以做「日豬」的。他的父親是香港人，母親是日本人。是極少數極少數可以得到日本護照既香港人。
投胎KOL。
如果，他好像我們特首一樣，覺得「護照只是多一本旅行證件的方便」，日本護照，就一定是sssssr。日本護照是全球最多免簽國待遇的護照。
星矢說：「811 果日，見到班警察咁既款，一時火起就係朋友群入面講想搞集會囉。」
但你身邊的日本，真的會在乎這件事嗎？
「我manager，我同事，同我外判公司既同事，都好主動問我有關香港既野。佢地對警察既行為佢地都好驚訝。都直接講『估唔到警察會打人』、『打人真係唔arm 下嘩……』之類啦。」星矢說。
也是的。這樣說的日本人，已是很關心你的了。有些日本人，活得太舒服，也許從來都沒有見過警察，更難想像，有警察會對人群放催淚彈。難怪日本要對香港發旅遊警示，日本外相也要在推特轉發了。
「係日本呢，搞集會就無需申請，只係通知警察叫佢地黎維持秩序。遊行就煩啲，要申請道路使用許可，基本上警方都幾nice nice 既，無特別西你面啊，暗寸你果啲。又唔會好似話搞到要你改完一大堆遊行路線，然後就唔批你個遊行咁。日本警方佢地講到明，係怕有強國既人黎騷擾。」星矢說。
說得那麼直白？這不像日本人。
「係。同埋，佢地話擔心，其他唔同政見既人黎抽水。警方話，願意驅逐無關既人離開。沖獨呀、台獨呀、維吾爾獨呀果堆啦。雖然手法強硬啲，但今次活動得我，同埋工作人員有大聲公用，同埋亦只可以係指定地方叫口號。所以俾人騎既機會唔大。」星矢說：「而且今次我會要求所有人帶口罩。以防俾人影。係保護所有在日港人係續居留時無不利。二黎，係驚一d強國人員落黎拍片認人。同埋我邀請左媒體，我廢事大家上報。」
家的感覺
為什麼要搞政治？過去五年，我做政治節目，做881，認識我同代的，都覺得我傻。好好地有903不做，去做881。做做晴朗，大家說說笑笑逗逗樂子，運動品牌會送鞋，唱片公司會待你上賓給你演唱會最好的門票。何苦要搞政治？這件事，在香港是沒有市場的。以前是學民思潮的人？
「我唔係啊。只係一個港日混血兒。」星矢說：「我係香港出世，住左18年，9成朋友同所有屋企人住係香港。每次返香港到香港機場，都有一種返到屋企既感覺，就算，依家我過左黎日本已經8年，都一樣。揸住日本國籍，但都無辦法去認自己係日本人。」
做一個日本人，如果你要認真起來，一點也不容易。
「至於你問我為咩搞咁多野，為左香港依然係我認識既香港。係日本，我已經叫生活左8年，我覺得我做唔到日本人眼中既日本人。你要做日本人，你要唔突顯自己，注重群體活動同價值觀，共享作為日本人既光榮同榮譽。日本人眼中既日本人，係日本土生土長，接受日本教育，認同同日本文化。而日本文化，最重要既，係唔出色，係要重視被中和既氣氛。咩事，都唔太好出聲。可能有好多人接受到，但睇黎我唔得。可能因為我係打工仔啦。」
你真的當香港是一個家嗎？我見太多人，見到香港現在的狀況，想的只是移民，而不是其他「解決」方式。
「家，係一個你希望返去既地方。移民，係一個尋找搵一個家既過程？家，應該係一個可以令你真正安心，放心既地方，對我黎講有屋企人，有朋友，有我鐘意食既野，鐘意既景色同環境。果個，就係家。就係屋企。而對我黎講依個係香港。唔一定所謂故鄉先係家，而移民就係尋找另一個家既人。如果香港有香港籍，我會放棄日本籍，移民香港。」
但你實行的事情，很矛盾：為何你仍在日本？
「我好想返。不過我個日本人阿媽好想返日本住。所以我係日本買左樓，等佢返黎日本之後我再返香港生活，依加，我要照顧屋企，我先係日本生活，所以先要盡我最大能力同身分去幫香港。總有啲事係身處外國先做到。」星矢說：「就係因為我係外國，我有機會就香港既問題去寫文，做talk，做即時傳譯果啲。依點係過去係香港既我係做唔到，亦無機會做。」
海外華人的「愛我華」情結。
在外國的華人，要麼就是做潘美辰的老歌中那一句「不肯溶化的冰」，要麼就是一邊身居外地，一邊「心繫家國」做「護旗手」。何苦這麼難為自己？周末去吃吃喝喝，做做飲飲食食KOL，不是更快慰麼？
「海外華人做事，雖然可能無作用，不過俾日本人知道香港發生緊既事已經足夠。如果借住我係日本搞既活動或者睇到媒體既報導，佢地見到香港人或者去到香港時多一份關心，咁已經好成功。我唔會要求日本人做啲咩事，或者改變日本人。只希望佢地知道香港依個地方為自己努力緊，或者日後日本有咩事既時候諗返起香港有件咁既事。依個就係我係日本搞活動既動力。其實，係日本我地好難做到香港咁大規模既活動，而且我地做既野係對大局可能係無任何既影響，但都希望籍住小小既活動話俾依既香港既人知，就算去到邊道我地個心都係撐緊香港。」
2014年之後，人人都有創傷後症候群。我有朋友2014年那天，天天送水送口罩，去前線派豬柳蛋派了三個鐘都沒有人接收。在2014年後，你看到政工作者的狀態，仍在關心的政治的，幾乎都是pretty crazy的神經病。
「因為上次兩傘運動既教訓，話左俾香港人知要企硬，今次過左，真係無下次。亦因為無大台令每一個都可以充分發揮自己既力量，每一個人都係當時人，籍住每個唔同既小活動去維持，所以先令人覺得件事情嚴重同有維持力。香港人過往可能為左經濟而賣命，今日可以為理想奮鬥，睇得出香港真係成為左香港人既家。為自己屋企奮鬥，又點可以用經濟，錢依啲野去計較呢？依個態度上既轉變先造就到今日如此氣勢，先可以令人覺得香港係值得支持。」
香港人，如果你也不覺得需要改變，外人是幫不到你們的。當然，我們還有很長很長的路要走，有很多很多事情要學。只是，我不知道，大家在運動初期，看到我在面書說「我們要長大」和「自己香港自己救」，究竟可以收到幾多。
8月17日的遊行，我已fat check。星矢兄是微fat的。而，這次是合法的活動。亦跟香港眾志搞的遊行，絕不一樣。有些人，為了鏡頭，鎂光燈，連結沖獨、維獨等訴求。這次是民間自發，反而比自稱專業的政工作者來得利落。
當然，我不敢，也不會不負責任的說，去一定是「安全的」（come on，你看看現在的香港的遊行，有人對你說「這次遊行零成本又可以玩野」，你信他就等如信那個男的中出不會懷孕一樣吧？別那麼天真好不好？），但如果你真的覺得你身處東京，亦覺得有點閒時間做點小事，這次活動，我會建議你實時報道，給你的朋友知道，海外華人，肉體上，心靈上，沒有缺席。
