日本遊蹤

airbnb 惹的事

 

 


早陣子,在別的網站寫關於 airbnb 的事情,被很多網友說,其實 airbnb 也很不錯,提供了便宜又方便的選擇,也有很多地方很有特色,不像住酒店。我的 Hipster 朋友們都對 airbnb 讚不絕口,說現在最潮的人,都會選擇住 Airbnb。

 


本來,我都覺得 Airbnb 的感覺是不俗的。可是,後來,有讀者發現有些日本人對有人租借地方做 Airbnb ,而令很多人有投訴。

比如,這一個在日香港人專頁中,就有這麼一個故事。簡言之,就是一些香港及中國人入住後,在深夜開洗衣機,擾人清夢。


*  *  *  *  *  *  *  *  

[Airbnb受害人剖白]
----------------------------------------------
【●事發經過】
晚上我如常地半開著窗睡覺,
突然間聽到一把廣東話既女聲
"咦點解呢度既衫架係咁既??!!!"
?!?!?!?!?!(;´Д`)
我以為我發夢,幻聽,如果唔係點可能聽到廣東話!!!
但作為社畜既我,每日只有珍貴既4-5小時睡眠時間,
好快又恰番著...
"咁難掛既!!!!!!!!!"
?!?!?!?!?!(゚Д゚;)!!!!!
九秒九又彈番起身,sure唔係自己幻聽或發緊夢!!!
咁鏗鏘純正既港式抱怨聲,
旁邊一定係香港人入住左!!
於是我偷望下隔離屋,佢地居然係度晾衫..........!!!
望下個鐘,晚上兩點半。
即係你半夜開機洗衫!!!!!!!!!!!!!??????(゚Д゚;)
住過日本既人都知道,半夜洗衫係死罪來既。
日本既屋係比較薄,開洗衣機好多時樓下都會聽到/震到。
如果單人屋,好多時隔離屋都會影響埋。
所以大家都會好自重,盡量唔會係晚上洗衫既。
你一次過break 兩條rules,真係勁。
但作為社畜既我,當然比較著重珍惜剩下來o個三個鐘訓覺,
只好稍稍關窗,聽日再同你計。
但當然,Airbnb係投訴無門既。
你可以直接去敲對方門,但既然佢連半夜都唔識得收細聲,
都唔可能期待佢會say sorry, 仲可能會反咬你一啖。
(作者都試過幾次咁,真係唔再挑戰啦)
咁點算好??當然係同房東,管理處投訴。
將airbnb上隔離屋既資料print出來比佢地睇做証明,
有生保人非住客經常出入,佢地都反映咁係違約,會積極同本來既屋主(租客)傾,考慮到7月會解佢既租。(但見佢booking到8月9月都有,哈哈)
自此多得呢個香港人,Airbnb應該會少左一間房。
而我亦都唔駛再憂心Airbnb帶來既安全/嘈音問題,一了百了。
另外,同房東傾呢件事時,其實那間房樓下正是房東個女住緊,
佢都話呢幾日樓上有嘈音。
全國來講已經好難阻止到Airbnb,
但我真的想同大家講,
日本人番工真係好辛苦架,
平日係電車呀,餐廳呀,觀光地點幾嘈都好,
都跪求你地比佢地一個安靜既晚上啦.......
如果覺得有所困難,都係住酒店啦.....

*  *  *  *  *  *  *  *   

 

另外,日本集合的讀者 Jacky 君也來訊,說:「利申我係貪平所以中伏,去年十月.用 airbnb book 左,京都五日,大阪十日。住京都時感覺良好、乾淨。(5 晚/ HKD$3888)。除左見到真住客對我黑面,我估佢地唔歡迎遊客。到左大阪,book左呢間因貪平 (2既/HKD $1174) ,一入lift見到warning,絕對會影響心情的。」

 

也有朋友說:「上次同其中一個大阪Airbnb嘅房東傾計,佢間房都係租返嚟再做Airbnb再分租比遊客,都無牌無賣保險,但佢話幾乎個個都係咁做……」

就是因為這個原因,最近我也很小心的選擇。住民宿的話,我會選我朋友開的地方,而且也要小心一點,不要醉著回去。香港人常說,他們的生活因為大陸遊客的出現而受影響,我們到日本的時候,又會不會想做一些令人不快的事呢?

東京奧運將要來了,日本官方都開始考慮研究「民泊」制度。會不會出現用家用 Airbnb 跟當地的居民衝突呢?

各位去日本旅行的時候,還是小心一點,檢點一點好了。

 

 

🌸🌸【今日精選推介 (最新)】🌸🌸

酒店優惠:

Hotels.com 91折優惠 (推廣碼: CHAN18SEA) 優惠日期: 8月1日 至 8月31日 ➡  https://bit.ly/2vbFnap 




作者
健吾
二○○七年加入商業電台時事評論節目《光明頂》出任主持,○八年起於中文大學日本研究學系擔任講師,著有《100個在情場止蝕離場的理由(上/下)》、《新‧日本人論2--關於幸福的剪影》、《健吾收音機》、《日本亂象》、《瀛人設計》、《瀛男寶鑑》、《熱吻背後》等等。做電台,也做所有可以做的事。