大家黎東京旅行，當然可以毎一餐都大魚大肉，但我作為一個留學生如果好似大家咁食法一定會好快破產。

咁到底係東京居住既我平時係有咩可以食既呢？

以下就係其中一樣價錢實惠，好味夾大份既５００円海鮮丼！

▲今次我叫既呢個係イクラネギトロ丼 鮭魚子金槍魚泥丼

▲佢地既配料多達數十款，任君選擇。另外可以加大個飯，以及加大配料。

唔知叫咩好的話可以叫日替わり，會有比較多唔同既魚生可以試

▲呢一種海鮮丼店遍佈東京各個地方，雖然唔會多到好似便利店咁，但總有一間係左近。另外大部分此類店鋪都以外賣形式售賣，不設堂食

雖然呢種海鮮丼店既店名好多都唔同，但佢地既門口都一定會貼住呢張幾十款唔同種類既海鮮丼菜單，如果行過見到既不妨買一個試試。

但需要注意，係呢類平價海鮮類既店鋪絕對唔應該點。。。。。。海膽。

就算去壽司店數百円一件既海膽都會有伏既情況底下，５００円有雙拼海鮮飯甚至三拼既海鮮丼，味道係點，我交俾大家自由想像。。。

想知道附近有冇呢類海鮮丼店，可以用Google Map搜尋「丼丸」或「海鮮丼」