日本人講嘢顧及對方感受，無論你係咩人，佢一知道你由邊度嚟，佢就會讚邊度好。我一講香港，佢哋就會讚香港。不過，講得出嘅都不外乎係嗰兩樣…

我：「香港人です。（我係香港人。）」

日本人高八度：「へぇぇぇぇ！すごい！香港のご飯おいしい！ジャッキー・チェンの映画見たことある！（嘩～～好犀利呀！香港嘢食好好味！我睇過成龍嘅戲！）」

而家後生嘅日本人，講得出成龍已經好好。事實係香港對其他國家嘅後生冇吸引力，好多人連香港都未聽過。Sorry，而家冇人識你。

尋晚搭山手線，喺新橋站有兩個三、四十歲女人上車坐喺我隔離，討論亞洲各旅遊勝地…

A：「…香港は面白いかな？（你覺得香港會唔會好玩吖嗱？）」

B：「…返還後の香港はなんかパワーダウンしたからさ、シンガポールのほうが楽しいでしょうね。（回歸後嘅香港好似「POWER DOWN」咗，去新加坡可能仲好玩啦。）」

聽後筆者當然冇出聲。

筆者認識一啲日本人香港死忠，年齡最細嘅35歲，一半以上有一定年紀。到底點解只有呢個年齡層嘅人先鍾意香港呢？我諗起有好幾個97前去過香港嘅中年日本人同我講過：「どうしても返還前に香港へ行きたかった。（無論點都想回歸前去一次香港。）」

呢班死忠鍾意嘅香港，到底係以前嘅香港定而家嘅香港？筆者冇答案。但係，我喺東京山手線上聽到一句日本人嘅真話。

聽講，以前嘅香港，很好。