深度文化談

幾句「自我讚美」說話看日本衰退

日本60、70年代出現經濟奇蹟,一躍成為經濟大國。70年代以後,經歷廣場協議、工業外移、泡沫爆破後一蹶不振,進入失落的三十年(冇打錯,係三十年)。而家仲要人口減少,雪上加霜。

 

每個年代都有佢代表性嘅金句或者事物,以前嘅香港可能係「工廠妹」、「香港遍地黃金」、「移民」、「地產霸權」、「食老本」等等,筆者唔知道。而日本,最近就有人喺twitter整理咗日本呢幾十年嘅「自我讚美」說話,反應日本經濟發展過程,又諷刺衰退。

 

 

1980年代

「Made in Japan世界第一」

1990年代

「價錢一樣嘅產品嚟講Made in Japan嘅質素世界第一」

2000年代

「產品小型化同安全性嚟講Made in Japan世界第一」

2010年代前半

「各樣產品入邊有好多零部件都係Made in Japan」

2010年代後半

「嗰啲產品同技術都係日本發明」

2020年代

「日本四季分明,水喉水可以直接飲」

 

由80至90年代,日本工業仍然發達,日本人對國產貨信心十足,覺得Made in Japan世界第一,必屬佳品。呢樣無可否認,無論係戀日又好,愛國人士又好,個個都用過無數日本電器,尤其係冷氣、車、雪櫃、電視機呢啲神器,可謂千年不壞,每個香港人都可以做證。筆者有個有錢親戚,80年代開始全屋用品都係Made in Japan,連個仔嘅女朋友,都係Made in Japan。

 

到00年代情況有變,泡沫已爆,經濟畏縮,國内購買力減弱。工廠為咗壓低cost,降低價格,推行產品小型化,用少啲物料,cost就低啲,去維持利潤。同時工業已經開始大量外移。

 

到咗10年代,工業空洞,淨係得返小部分競爭力強嘅高科技產品留喺國内生產,例如IPhone好多零件都喺日本採購。但係日本大牌子電子產品都幾乎海外製造,例如相機等等都Made in China同Thailand。後來,連大牌子都經營不善,要賣盤去海外。例如,台灣鴻海收購咗Sharp,東芝都差啲俾外國企業買走。曾經喺日本發蹟嘅龍頭日企,唔再屬於日本。

 

至於2020年代嗰句,工業畏縮,不再係日本強項,連講都費事。呢句可笑,亦無聊。搵唔倒嘢吹噓,講四季同水喉水。確實,有好多日本人仍然陶醉如過去嘅成功。

 

短短六句不同年代嘅金句,道出咗日本經濟由興轉衰嘅整個過程,引來好多網民認同。有人甚至留言戲稱「就快連四季同水喉水都消失。」

 

「就快連四季同水喉水都消失。」

 

奧運後日本經濟何去何從,令入擔憂。

🌸🌸【今日精選推介 (最新)】🌸🌸

酒店優惠:

Hotels.com 91折優惠 (推廣碼: CHAN18SEA) 優惠日期: 8月1日 至 8月31日 ➡  https://bit.ly/2vbFnap